
Aniztasunak errealitatea eratzen du. Gorputz, subjektu, klase, etnia, kultura, hizkuntza, hizkera, orientazio, lurralde, ekosistema eta abarren aniztasunak. Aniztasunak inguratzen, biltzen, definitzen gaitu. Aniztasuna gara. Zalantzarik gabe, aniztasuna aberastasuna da.
Ugaritasuna, ahotsena, subjektu politikoena, kolektiboena… Plurala da, berez, lurralde desberdinetan kokatuta eta gizarte-eraldaketarako hezkuntzaren (GEH) sarean korapilatuta gaudela begiratzen dugun aniztasun hori. Ahots bakar batek, begirada bakar isolatu batek ez luke inoiz hezkuntza-prozesu eraldatzaile eta kritiko bat eratuko. Subjektuen pluraltasuna, begiraden, sareen, aliantzen eta aliatuen konplexutasuna, hezkuntza ahalduntzailea bultzatzeko. Ondorioz, zilegi da berriro gogoeta egitea “mundu-sistema” nola funtzionatzen eta eratzen den galderaren inguruan, nola lortzen duen errealitatearen eraikuntza binario, asimetriko eta polarizatua ezartzea, non hegemonia monolitiko bat, kontakizun bakar bat, gorputz, lurralde eta hizkuntzen homogeneizazioa eta “garapen?”-eredu onargarri bakar bat inposatzen den.
Bestalde, zibilizazio-krisiaren larriagotzea ikusten ari gara (gerrak eta gatazka armatu genozidak), eta sistema estraktibistaren alderik gordinena erakusten digu; horrek milioika pertsonei bizitza duina izateko aukera kentzen die.
Pertsona horiek ez dira (gara) bazterrekoak, eta haien borroka eta disidentzietako asko eraldaketarako ikaskuntzarako adibideak dira planetako hainbat tokitan. Gorputz/lurralde desberdin asko, adierazpen politiko anitzekoak, eta emantzipazioaren helburua partekatzen dute.
Ahots horietako batzuk Hariak aldizkariko ale berri honetan agertzen dira. Proposamenak eta funtsezko nozioak ekartzen dizkigute, artikulazio handiagoa ehundu eta aniztasuna hezkuntza kritikorako ehungailu gisa hartzeko. Ikuspegi horietako batzuek etorkizun eraldatzaileak ehuntzen dituzte jada, eta feminismo dekolonial, antirrazista eta antikapitalistaren hariak dira, eta patroirik gabe (ez jabe, ez eredu) ari gara haiek ehuntzen.
Editorial
- Diversidades y Educación para la Transformación Social
Inmaculada Cabello Ruíz
En profundidad
- Entretejer diversidades feministas, antirracistas y decoloniales. Un imperativo educativo
Juanjo Celorio Díaz y Amaia del Río Martínez
En diálogo
- Es muy importante que también Europa se piense a sí misma
Lia Pinheiro Barbosa
Hay alternativas
- Cuestionando nuestro actuar para desterrar el racismo
Greta Frankenfeld y Fiona Montagud
- Finantzaz Haratago, Red Vasca de Educación en Finanzas Éticas y Alternativas
Javier Eguiara Arrazola
Miradas comprometidas
- Cine/documentales: La historia de todas nosotras • Es por tu seguridad. Engranajes institucionales de la islamofobia
- Publicaciones: Aprendizajes del Movimiento Zapatista. De la insurgencia armada a la autonomía popular • Fronteras: Necropolítica, violencias, racismos y activismos feministas migrantes
- Organizaciones: Asociación Intercultural para la promoción y el empoderamiento de las mujeres gitanas de Euskadi • Asociación Antirracista por los Derechos Humanos
- Agenda imprescindible: VII Congreso Internacional de Estudios del Desarrollo “Transiciones justas y pactos para el desarrollo sostenible” • XIX Congreso internacional y XXXIX Jornadas de Universidades y Educación inclusiva “Tejiendo redes inclusivas”
En rebeldía
- Las fronteras en la tierra y en el cuerpo son ilusión y control
Otto Etraud/Toto Duarte (Metro21)