Master Amaierako Lan honek kolonialismoak, okupazioak, gerrak eta erbesteak Tindufeko errefuxiatu-kanpalekuetan bizi diren saharar gazteengan dituzten ondorio psikosozialak aztertzen ditu, ikuspegi historiko, politiko eta dekolonial batetik. Lana kapitalismoaren, kolonialismoaren eta inperialismoaren botere-egiturak aztertzen dituen marko teoriko-analitikoaren gainean eraikitzen da, okupazioa dominazioa sakontzeko funtsezko gailu gisa ulertzeko eta gerra zein behartutako desplazamendua egiturazko indarkeriaren adierazpen zuzen gisa kokatzeko.
Metodologiari dagokionez, lanak errebisio bibliografikoa eta saharar gazteei egindako lau sakoneko elkarrizketa uztartzen ditu, kontzeptu teorikoak erbestean bizi dituzten esperientzia konkretuekin kontrastatu ahal izateko.
Lanean psikologiaren eredu nagusia problematizatzen da eta horren ordez, ikuspegi kritikoen ekarpenak aurkezten dira, zeinak praxi dekolonialaren oinarri gisa hartzen diren. Prisma horretatik abiatuta, Tindufeko errefuxiatuen kanpalekuetan bizi diren saharar gazteen egoera psikosoziala lantzen da.
Diagnostiko horretatik abiatuta, lana esku-hartze psikosozialeko proposamen baten diseinuarekin amaitzen da. Proposamen honek arreta kliniko konbentzionala gainditu nahi du, ondoeza politizatzea, memoria kolektiboa sendotzea eta gazteak transformaziorako subjektu aktibo gisa aitortuko dituzten parte-hartze guneak sortzea helburu hartuta. Azken helburua arreta psikosoziala sendotzea da, saharar herriaren memoria eta etorkizuna defendatzeko praktika gisa.
1. Sarrera
1.1. Aztergaia
1.2. Justifikazioa
1.3. Ikerketa-galdera eta ikerketa-helburuak
1.4. Metodologia
1.5. Lanaren egitura
2. Botere-egiturak eta egiturazko indarkeriaren zutabeak lurralde kolonizatuetan
2.1. Kapitalismoa, kolonialismoa, kolonialtasuna eta inperialismoaren eraginak
2.2. Dominazioa sakontzeko tresnak: okupazioa eta finkatze-kolonialismoa
2.3. Indarkeria estrukturalaren adierazpenak: gerra eta behartutako desplazamendua
2.4. Indarkeria estrukturalaren dimentsio intersekzionala
3. Psikologiaren ikuspegi kritikoak botere-egituren eta indarkeria estrukturalaren aurrean
3.1. Psikologiaren eredu nagusiaren problematizazioa
3.2. Psikologiaren ikuspegi kritikoen ekarpenak
3.3. Psikologia praktika dekolonial gisa
4. Mendebaldeko Saharako gazteengan indarkeria estrukturalak duen inpaktu psikosoziala
4.1. Indarkeria estrukturalaren jatorria eta ezaugarriak
4.2. Erbestearen eragina saharar gazteen egoera psikosozialean
5. Saharar errefuxiatuen kanpalekuetan gazteekin arreta psikosoziala lantzeko esku-hartze proposamena
5.1. Oinarri teorikoak
5.2. Helburuak
5.3. Parte-hartzaileak
5.4. Esku-hartzea: Saharar Gazteen Sostengu Psikosozial Komunitarioko Sarea
5.5. Esku-hartzearen jardun-ildo nagusiak
6. Ondorioak
Bibliografia
Eranskina. Elkarrizketaren gidoia
