Laburpena

Sierra Leonako gerra zibila 11 urteko gatazka bortitxa izan zen, zeinetan bortizkeria handikko ekintzak aurrera eraman ziren. Bertan bereizgarriak izan ziren ume gudarien erabilera, emakumeen aurkako indarkeria sexuala eta indarkeria handiko erasoak. Nahiz eta 2002an gatazkaren bukaera ofiziala aitortu zen, hurrengo urteetan gatazkaren ondorioei aurre egiteko bake eraikuntza prozesu luze bat aurrera eraman zen herrialdean. Prozesu horretan izaera ezberdineko ekintzak aurrera eraman ziren eta horiek guztiek prozesu arrakastatsu bat aurrera eramatea ahalbidetu zuten. Horrela gauzak, lan honetan arrakasta horren parte den instrumentu baten azterketa egingo da.

Instrumentu hori Sierra Leonako Egiaren eta Adiskidetzaren Batzordea da, zeinetan egiaren kontaketa sustatzen zen, gatazkan emandako ekintzen erantzukizuna zehazteko eta gatazkaren ondorioz gizartean zeuden beharrak identifikatzeko. Kasu honetan, organoaren azterketa egiterako orduan, ea tokiko ikuspegia barneratzea lortu zuen edo ez ikusiko da. Azterketa hori egiteko, lehenik eta behin bake eraikuntza tradizionalaren azterketa egingo da, ondoren hori gainditzen duen tokiko ikuspegidun bake eraikuntza prozesuak zer diren ikusiko da. Behin azterketa hori egin dela, Batzordearen tokiko ikuspegiaren ikerketa egingo da, benetan ikuspegi hori txertatzea lortu zuen edo ez ikusteko. Hori guztia egiteko orduan, prozesuan zehar genero ikuspegiaren txertaketaren inguruan ere arituko da lana.